المجد.لله....
صرخة عتب، صرخة شعب، صرخة ضمير, صرخة لرجال الدين...
شعب عم يموت، ويعاني، ومتروك، ونازح، ومهجر، ومصيرو مجهول، وكتار من اصحاب البدلات المدهبة والعمامة ما بعرف وينكن، وشو دوركن، وليش ساكتين...
يا خلق الله، يا اصحاب المقامات العالية انتو حاسين شو عم يصير، واعيين ع لبنان وين رايح، عرفانين في ضيع متروكة لمصيرها سلاحا الوحيد جرس الكنيسة وكلمة يا رب، وضيع تدمرت ونحرقت وتهجروا ناسا بس لان مش قادرة تحكي وتقول بيكفي ظلم ودمار، وتصرخ لا حول ولا قوة الا بالله ..
...
يا اصحاب الدين ومتل ما بيقولو "رجالو"، صحوة ضمير وصرخة مع الشعب مش ب وجو، نزلو عتصموا، ركعوا كلكن مع بعضكن، المسيحي المسلم ب وج الظلم والوحشية لي عم تطحن بلادنا وتقتل ولادنا...
نزلو وقفوا وقفة عز ولو لمرة وحدة،صرخوا بوج الكون كلو، قولولو نحنا شعب منحب السلام بدنا نعيش...
نزلو لونو توابكن بلون تراب هالوطن، تنازلو عن عروشكن الواهية، وخلقو هالة وحدة بين ولادكن...
نزلو وقفوا هل الشتائم والطعن ب محبتنا لبعضنا، ..
كموا أفواه الشياطين لي عم تشرذمنا اكتر من معشر الشياطين ..
نزلو كسروا حاجز الصمت والخوف عند.ناسكن، لي متروكين عل الحدود بلا حماية وبلا سند الا من ربنا وايمانن ب ارضن
نزلو وقفوا مع شعبكن المذلول ع زوايا الطرقات وتحت خيم اكلا قلة الوفا والكرامة....
باصلا ما حدا منكن ولا من السياسيين جرب لحظة يعيش ب شي خيمة، او يشوف الذل بعيون ولادو، ما انتو منزهين ومعصومين الا من كراسيكن...
بيكفي ذل، بيكفي صمت، بيكفي خنوع، بيكفي تجلدوا ولادكن اكتر ما هني مذلولين وموجوعين....
دايما لله...
خلوا ايمانكن شعبكن، ومذابحكن ضيعكن، ومساجدكن ترابات وطنكن، و وعظاتكن بدار المحبة، ، وانتماءكن ل جواااااا مش لحدا مين ما يكون، خلقنا ت نعيش سوا، لي بيقبض من برا قرارو لبرااااا، ولي بيآمن ب بلادو مستحق يكون لبناني وبس لبناني....
وسامحونا...
ابونا بطرس....