كتير حلوة الموضة والأحلى الـMARKETING كيف بتقدر تجيب ناس تحكي فيك أو تتابعك ولو وصلنا للـ"وسخنة"...
Aishti زحط زحطة الشّاطر بألف، محل عالمي منو ناطر دعاية تصير "TREND" لتزيد مبيعاتو أو هو يصير "TREND" وحكي الـSOCIAL MEDIA...
شجرة عيد الميلاد هي رمز الحياة، رمز ميلاد يسوع حتّى الصليب والقيامة، وما فينا نفرّق الموضوع عن بعضو...
والنّجمة اللّي بتضّوي راس الشّجرة هي علامة النّور اللي بيفوت على قلوبنا وبيدلّنا على طريق الصّواب...
إي يمكن انتو مش عارفين شو الصّواب، ووصلت فيكم لدرجة احتقار معتقدات وعقيدة الآخر، وصارت "الصرماية" هي رمز النور عندكم، لأن ما بينفهم من الصورة غير هيك، وصرماية سودا، يعني قداي قادر الشيطان يجركم لهالمهزلة والسواد بحياتكم....
لا يسوع ولا المسيحيّين انمست كرامتهم باللّي عملتوه، بس انتو صغّرتوا حالكم، وبيّنتوا قداي قيمتكم صغيرة باللّي صار...
مش الحق عليكم، الحق على كل مسيحي ومسيحية اليوم بتفوت لعندكم لتشتري وتدعمكم، "AISHA TIFHA" هي واياكم بالانحدار الأخلاقي اللي وصلتولو...
وللأسف هيدا بيّن بأي عهد وصلنا، عصر سدوم وعمورة اللي عم يكرر حالو... تحفة أبرزت أخلاق البعض...
رح نصليلكم بركي بتكونوا متل الابن الضّال وبتشيلوا زبالة ووسخ الخنازير عنكم وبتعرفوا طريق الرجعة عند الله...
