نادين الراسي بإطلالة مميزة: بدّك تعيش الحياة أو بدَّك تعيش للمصاري؟

نشرت الممثلة نادين الراسي صورًا بإطلالة مميزة مستوحاة من الطبيعة، وعلّقت:

"بدّك تعيش الحياة أو بدَّك تعيش للمصاري؟!!
بتقلّي مربوطين ببعض ؟! كيف ؟!! ما إذا ربَّك فَصَلُن إنتَ عا شو فاصِل ؟!! هَدّي …

الحياة هِيّي بضحكة صديق وَفي بتشيل الهَمّ عن القلب
قعدة تحت شجرة بالطبيعة اللّي ربّنا عملها إلَك
أو إدّام باب الدكّنجي ولعّيبة الطاولة والورق وريحة المنقوشة …
الحياة بمحبّة الناس إلَك وهَيدي أفعالَك بتقرّرها ..
إشيا يَعني من الآخِر ما بتِنشَرا وفي حال انشَرِت صدِّق عن خِبرة ما بتدوم
اعراف نفسَك بالأوَّل تتعرِف تِكتِشِف الحياة ومِن بعدها قرّر .
حياة حلوة أم حياة إلها مِعنى ؟؟!!

عايِش كرمال شو ؟!!
إنت هَيك بدَّك أو لأنّو دارِج ؟؟!!!

الحياة إيمان وعطاء ومَحبّة مِش سبق
وهون بذكّرَك خطّ النّهاية هُوّي الموت والموت حقّ

حلوة من جُوّا ومن برّا يعني حلوة بالعقل وبالشّكل
وعقلِك بيحمي نظافة وجمال روحِك
وساعِتها بتصيري أحلى وأحلى من جوّا ومن برّا

الهضامة والبساطة والطيبة والكرَم ما إلُن علاقة بالموضوع هَودي الحياة ومشاكِلها بتنظِّمُن .
هَيدا موضوع لحالو !".