الدّني ذوق وأخلاق بس لمّا "والي المياه" يحرم المحاربية لليوم التاسع من الماي شو بيكون؟

هيدا فصل الشّتي، والطّرقات كانت عم تغرق وتسبح بالماي من ورا الأمطار، بس يا سبحانك يا الله "والي المياه" حارم المحاربية بقضاء جزّين من الماي لليوم التّاسع.

هلّق الدّني ذوق وأخلاق، بس بهيك ظروف شو معقول يكون هالتّصرّف؟ لمّا مختار الضّيعة يتواصل مع "هالوالي" ويوعدو بعد ساعة، وبعد ساعات يرجع يتواصل معو ويقلو بعد شوي، وما توصل الماي للأهالي شو معقول نوصفو؟

اللّي عم يصير مرفوض ومش مقبول، بالنّهاية لمّا العالم تدفع رسوم حقوق ما عم تحصل عليها بتوصل لمرحلة قد لا تحمد عقباها.