في وداع الطفلة أمل الدر الشيخ قبيسي في رسالة إلى محمد: عنّا بالدنيا برد وقهر

كتب الشيخ ربيع قبيسي في وداع الملاك الطفلة أمل الدر:

مسا الخير يا قائد محمد ..
أكيد معجوقين الليلة ومحتارين ..
كيف تستقبلوا وردة خطفها العدو من عنّا ..
لتفتح عبيرها بالجنة ..

خبّرني جاهز هالليلة .. أنت مكلّف بمهمة استقبال أمل الملاك الحلو
هي متل الشمس بتضوي حياة اللي حولها،
ومتل النسيم الخجول رقيقة،
رح تعرفها من تفاصيل وجها نظرات عيونها الحنونة، أكيد رح تتذكرها ..
رح تتذكّر كيف بمسيرة عاشوراء السنة الماضية حملتها على كتافك طول المسيرة ..
من أسبوع بس ارتقت روحك قالت لبيها: بابا هيدا القائد  است شهد ..
ما تنسوا الليلة ..
رشّوا الورد وحضروا الحنّة ..
وسمّوا فوج السما فوج الملائكة يا ملاك ..
ما بدك مين يوصّيك اهتم فيهم منيح ..
عنّا بالدنيا برد وقهر ..
دفّي قلوبهم، وحطهم بعيونك ..
تذكّر دايماً انكم على طريق الحسين (ع) وبتحبوا موسى الصدر

#أمل_الدر
#محمد_المصري
#الجنوب
بقلم ربيع قبيسي