الموت يفجع شربل زيادة

فُجع الممثل اللبناني شربل زيادة بوفاة والدته ياسمينة، ونشر رسالة تفطر القلوب بعد رحيلها عبر حسابه الرسمي على تطبيق الصور انستغرام.
 
وفي التفاصيل، كتب شربل زيادة في منشوره "الإيد اللي مسكت إيدي وحملتني، ودّتني ع مدرستي، غطتني بالبرد، طعمتني ولبستني، هيدي كانت آخر مرة بمسكها، وبالرغم من وجعها قالت بصوت خفيف "إيدك مجلدي يا امي" حتى وهي مش واعية ما نسيت أنها أم. وخافت عليي من البرد".
 
وتابع شربل زيادة "كتير قاسية الحياة اللي لما نخلق بتعملنا مطرح، مطرح ببيتنا، بقلوب اللي حبونا، ولما منروح، منترك هالدني وبيضل المطرح فاضي. ما كان أحسن تروح المطارح واللي منحبن يضلوا؟ هيك منعطيهم مطرح حدنا، منعطيهم مطرحنا!! شو نفع المطرح من دون صاحبه!؟".
 
وختم زيادة رسالته المؤثرة بالقول "ياسمينة بيتنا راحت وبقي عطرها مطرحه. العطر بيذكر بصاحبه اللي فل… رح يضل عطرك بحياتنا لوقت منروح ومنترك مطرحنا نحن كمان. والى ان نلتقي مجددا” يا أحلى أم وأحنّ أم ياسمينة".