هي... أنتِ
هي... أنتِ
بتعرفي هيدا الشعور إنك تحت الحرام وما إلك جلادة تقومي من التخت اليوم؟
حتى عيونك اتفقت مع جسمك وخانتك، بدها تضل مغمضة بالعتمة، زاعجها الضو…
ما عندك طاقة لولا شي، بس تنامي بالفرشة وحتى يوقف الوقت ويوقف معو تفكيرك ولو للحظة…
وما بقى تضيعي لا بالشغل ولا الاولاد ولا إذا حبيبك خطيبك زوجك راضي أو زعلان إمك خيك إختك بيّك مسنغف او مبسوط وتصيري مجردة من الأحاسيس…
ميتة بس عم تتنفّسي…
وصلتِ لهالمرحلة بس مجبورة تقومي للحياة؟
أنتِ منّك ضعيفة ولا مريضة، أنتِ السند وجسر البيت والكل ناطرك…
يمكن المسؤوليات كتار بس هني على قد قوتك، إي هلقد أنتِ قوية…
فتحي عيونك، فيكِ تاخدي استراحة المقاتلة، بس نبض الحياة بيلبقلك...
قومي يا مناضلة، الحياة هي أنتِ...
HOPE