جزين تحكي: كل شي متغيّر إلّا حبّك دايم دايم... صلاتنا للسلام والاستقرار والأمن والحب

الليلة ليلة الدنح، ليلة عماد سيدنا يسوع المسيح في نهر الأردن وحلول الروح القدس "هذا هو ابني الحبيب الذي به سررت"...

الليلة القصة بتقول رح يمرق يسوع ويبارك بيوتنا وأهالينا وأولادنا، يبارك أرزاقنا وأشغالنا وقلوبنا وعقولنا...

كل سنة وكل شهر وكل يوم وكل ساعة ولحظة وتكة عم يمرق يسوع، يفتش على قلوب مليانة حب وإيمان، بس قداي عم يلاقي؟ وشو عم يلاقي غير الكره والحقد والطمع والحروب والشرور والقتل والخطايا؟

الليلة كلنا رح نسهر مش لناكل زلابية وعوامات ومعكرون، أو ننطر الـgalette لنشوف مين صاحب الحظ، بدنا نسهر نصلي ونطلب من يسوع ولو لمرة ما يترك الخيار للانسان، يقمع الشر ويوقف الحرب وينهي قتل وتشرد الأطفال...

الليلة بدنا تغسلنا من كل الأفكار الشريرة، ليكون خيارنا الخير والمحبة...

الليلة بدنا نطلب السلام، الاستقرار، الأمان والحب لأنو هو الحب اللامتناهي...

كل شي بيتغير إلا يسوع وحبو دايم دايم!