بين الدولار واللبناني خسروا عناصر القوى الأمنية 50-150 ألف من معاشاتهم عيدية!

بكل البلاد بيفكروا كيف يقدروا جهود القوى الأمنية وتعبهم خصوصا على الأعياد، فبتكون في معايدة ب"زودة على المعاش"...

بس نحن بلبنان، بتحس الدولة متطابقة مع المصارف، معك خبر انو عناصر القوى الأمنية قبضوا معاشاتهم عن شهر كانون الأول على سعر صرف 89.5 ألف ليرة، ليضهروا يصرفوها برا على سعر 89 أو 88 ألف ليرة، يعني بمعنى أوضح اللي معاشو 100 دولار بيكون خسران تقريبًا بين الـ50 والـ150 ألف؟

ما بيكفي معاشاتهم عيب ينحكى فيها لناس حاملة دمها على كفها، بس الـ 50 أو الـ150 ألف أولادهم أحق فيهم بالخبز أو... حدا انتبهلها بالتشريع أو الموازنة؟