فؤاد يمّين "بدّي ياه يكون مبسوط"

كتب الممثل فؤاد يمّين على حسابه: "دايماً لمّا كون مع وسيم بشي activity، موسيقى،فوتبول…بشوف الأهل عم يدفشو ولادن تيكونوا احسن شي ممكن، وهيدا شي حلو ، بس برجع بنتبه انو مش بدّن ياهن احسن شي ممكن نسبة لل potential تبعن، لأ، بدّن ياهن احسن من غير ولاد…وبرأيي هون المشكلة…هيدا الضغط يللي منحطّو عالولاد بلا ما ننتبه ، ومنحطّن بالمقارنات ومين احسن من مين ومنخلقلن براسن الperfectionism…وهيدا الشي بيكبر معن؛ليكو نحنا هلّق، عم نفتّش ع وظيفة احسن من هيدا وسيّارة احسن من هيداك، ومصاري اكتر، وغرقانين بloop كتير صعبة الطلعة منّا…
انا عم جرّب قد ما بقدر قلّو لوسيم مش مهم النتيجة ، مهم الprocess …ما بدّي ابني يكون احسن واحد، بدّي ياه يكون مبسوط!"