رجعو بشر (الأب بيتر حنا)

كتب الأب بيتر حنا:

"فيه تقليد مش حلو بكنيستنا،
أصلاً هوي مش من تعاليم الكنيسة ولا عقيدة،
ولازم نشتغل نغيرو،
أنا شخصيًا بالرعايا اللي بخدم فيها ما بسمح فيه،
إنو وقت يجي سياسي، نقعدو قدام على كرسي غير كراسي الناس،
ممكن البعض يعتبرها تكريم،
بس الكنيسة مش صالة إجتماعات،
الكنيسة بيت الله،
تركو الله يكرّم الشخص،
شو اكتر من انو الله عم يعطيه ذاتو بقربانة؟
هالتقليد من روح الأرض،
ولازم يبقى برات الكنيسة،
الكنيسة عالأرض هي شقفة سما،
وبالكنيسة، لازم الكل يكونو متل بعض..
عالقليلة قدام الله،
رجعو بشر..".