رح دور على المزارع بركي بلاقي "بيض" بقضاء جزين... تقنين 8-16 ساعة على خط رقم3

رح خبركن آخر خبرية عظيمة بشرونا فيها الكهربا بقضاء جزين، بوقت ما الخط رقم 1 عم يكون علاي تقنين 4 ساعات، الخط رقم 2 بلغوه مبارح انو التقنين رح يصير 6 ساعات...

أما الخط رقم 3 ومن بعد ما تفلسف الجهابذة وكل يوم خبرية انحلت ما انحلت وبلشوا من 4 ساعات تقنين لقطعة دايمة خصوصا بعد نقل عين قانا من خط رقم1 على خط رقم 3، وصلوا لتقنين 5 ساعات لبعدان قطعة دايمة، لمبارح عشية بيخبرونا انو التقنين رح يكون بين الـ8 لحد الـ16 ساعة...

والسؤال، وين عم تروح الكهربا؟ "الجمهور" عايز كدا؟ أو "قميص عثمان" صارت القصة؟ وهل صارت "وليدة" الساعة؟ أم لازم نتأقلم مع "البرية"؟

أنا بس حبيت خبركن، مش أكتر، لأن هالفترة قررت دور على المزارع بقضاء جزين بركي بلاقي "بيض" مع أنو صار غالي...

                        شيرين الياس حنا