الأبراج اليوم
ماذا يقول الفلك لك اليوم؟
برج الحمل
✍ يوم فيه جهد وتعب وعم تسعى تقوم بعملك بشكل جيد بتواجه بعض العراقيل او ممكن تتعرض لضغوط مفاجئة بالعمل . عم تتميز بطولة البال والهدوء لتخلص امورك بشكل سليم وبعيد عن الاخطاء حتى تحافظ على مستواك المهني وتكون عند حسن ظن الرؤساء فيك . ماليا اليوم مصروفك ضروري ومهم ومابيتأجل
❤عاطفيــا”… البعد بينك وبين الشريك عم يكون بسبب انشغالكما عن بعض وليس بسبب برود المشاعر
طاقة برج الحمل { 61 }
برج الثور
✍ بتشعر بالملل وحابب انك تغير روتين حياتك ممكن تعمل تغيير بديكور البيت او بمكان عملك لتغير الآجواء حولك . امورك المهنية عم تكون جيدة وعم تتابعها باهتمام وهالشي عم ينعكس بشكل إيجابي على مردودك المالي ومستواك المهني . ماليا تقوم بسداد بعض المستحقات المالية المطلوبة منك
❤عاطفيــا”… حاول تكون صريح مع الشريك وتعبر عن أفكارك ومشاعرك نحوه
طاقة برج الثور { 68 }
برج الجوزاء
✍ بتتواصل اليوم مع كتير من الاصدقاء سواء عن طريق الهاتف او عبر مواقع التواصل الاجتماعي وعم تستعيد ذكرياتك الحلوة مع بعض الاصدقاء وعم تشعر بالحنين للحظات كانت مميزة بحياتك . بتهتم بوضعك الصحي وبتقرر تمارس بعض التمارين الرياضية . ماليا تحسن بسيط بوضعك المالي
❤عاطفيــا”… علاقتك مع الشريك عم تكون مستقرة وهادئة خلال هاليوم
طاقة برج الجوزاء { 70 }
برج السرطان
✍ بتتميز اليوم بنشاطك وحيويتك وعم تقوم بأعمال مهمة وجديدة عم تعطي اهتمامك لعملك وعم تكون مقنع بطريقة كلامك لهيك اليوم كل الامور رح تكون ميسرة وعم تمشي الامور متل مابدك. عند المسا اخبار جيدة بتوصلك عن طريق صديق . ماليا تطور بسيط على مستوى عملك عم يزيد من مردودك
❤عاطفيــا”… انت اليوم عم تفهم الشريك من النظرة الاولى ورح تكون العلاقة اكتر انسجام بينكما
طاقة برج السرطان { 85 }
برج الاسد
✍ انت اليوم عم تكون منفتح على مجال جديد بعملك وعم تعطي كل اهتمامك له. عم تفكر بطريقة ذكية لكسب المال والأرباح وعم تنشغل لساعات طويلة لتقدر تحقق نجاحك وتثبت براعتك ضمن اختصاصك . ممكن تعتذر عن موعد أو تلغي فكرة للسفر بسبب بعض الالتزامات الجديدة . ماليا تطور وتحسن جيد عم يحسن من وضعك المالي
❤عاطفيــا”… خلاف مع الشريك بسبب اهمالك وانشغالك عنه حاول انك تستوعبه وتراضيه
طاقة برج الأسد { 80 }
برج العذراء
✍ عم تكون اليوم متوتر بسبب ضغوط العمل والإلتزامات الي صارت فوق طاقتك وانت متحملها لحالك ممكن تتصف بالعصبية وتفش خلقك بحدا قريب منك . بدي منك تروء وتفكر بهدوء لتقدر تعيد تنظيم الامور وتخلص واجباتك بشكل منظم وبالوقت المناسب . ماليا بتحاول انك تضبط بعض المصاريف والتخفيف من بعض المشتريات
❤عاطفيــا”… ممكن توجه انتقاد للشريك يزعل منه لكن عم يكون لمصلحته
طاقة برج العذراء { 67 }
برج الميزان
✍ بعض الاحاديث القديمة في مين عم يفتحها ويحاول انو يزعجك فيها لكنك وبفضل ذكائك وحكمتك عم تعرف كيف تسيطر على الأحداث وعم توجد حل لكل مشكلة وتوضع حد لبعض الناس الي ممكن تسببلك التوتر وتعملك قلق بحياتك . ماليا امورك المالية مانها منيحة وعم تحاول تكون اقتصادي قدر الإمكان
❤عاطفيــا”… ممكن تطلع مشوار انت والشريك وتحاول انك تغير جوك وتكسر روتين حياتك
طاقة برج الميزان { 64 }
برج العقرب
✍ انت منتظر وقاعد على نار ناطر امر مهم ولسا ماصار او ممكن يكون قرار مهم بحياتك والامور واقفة وعم تتأجل لهيك عم تكون متوتر معظم الوقت وعم تحاول تشغل نفسك مع الاصدقاء وعم تقضي وقتك برفقتهم وممكن تتلقى الدعم المعنوي من شخص مقرب منك . ماليا وضعك مانو مستقر فانتبه لمصاريفك
❤عاطفيــا”… لاتخلي سوء التفاهم يحدث بينك وبين الشريك وحاول انك توضح وجهة نظرك وتعبر عن مشاعرك بوضوح
طاقة برج العقرب { 73 }
برج القوس
✍ اليوم انت متحمس وعم تعمل ترتيب وتنظيم جديد عم تكون ردة فعلك قوية تجاه أي خطأ وعم تكون دقيق بعملك وحابب كل الامور تمشي بنظام وانضباط. عند المسا بتهتم ببعض الامور العائلية واحد الاخوة ممكن يستشيرك بموضوع وتعطيه نصيحة مفيدة له . ماليا تحسن بسيط بوضعك المالي بيفرج حالك
❤عاطفيــا”… ممكن تعترف للشريك بمشاعرك وتسمعه كلام غزل ومحبة
طاقة برج القوس { 78 }
برج الجدي
✍ ممكن تسمع بعض النقاشات والحوارات مع أطراف بالعمل او ضمن المحيط فيك بتحاول تكون مصلح وتقارب من وجهات النظر حتى تنهي خلاف ممكن يحدث بين طرفين. امورك المهنية بحاجة لشوية تطوير وتحسين حاول انك تجدد بأسلوبك بالعمل . ماليا مبلغ من المال بيوصلك واليوم مصروفك كبير وكلو ضروري
❤عاطفيــا”.. لاتبتعد عن الشريك وخليك قريب ليشعر بالحب والدعم
طاقة برج الجدي { 75 }
برج الدلو
✍ ابتعد اليوم عن التهور والقرارت السريعة في كتير قصص بالشغل عم تصير معك وبحاجة للحكمة والتروي عليك ان تدرس الامور بشكل جيد وتعطي قرارك بعد دراسة وتروي . اوراق رسمية ممكن تتابعها وتحاول انك تخلصها . ماليا نظم مصاريفك ولاتكون عشوائي بمشترياتك
❤عاطفيــا”… علاقتك مع الشريك متوترة حاول انك تصلح الامور وماتخلي الخلاف ياخد اكبر من حجمه
طاقة برج الدلو { 69 }
برج الحوت
✍ انت اليوم عم تكون منعزل عن بعض الناس وعم تحاول تخلص شغلك بسرعة وحابب تقضي وقتك بالبيت ممكن تقوم بأعمال يدوية او تمارس هواية انت بتحيها كالرسم او الموسيقا . بنهاية هاليوم صديق بيزورك بشكل مفاجىء بتسعد بشوفته وبتقضي وقت مميز معه . ماليا تقوم بشراء اشياء كثيرة ووضعك المالي يصبح حرجا
❤عاطفيــا”… انت رومنسي اليوم وحابب الشريك يعاملك بمودة ومحبة
طاقة برج الحوت { 71 }