الرئيسية فنون
الخميس 04 - تموز - 2019

نانسي عجرم: عيب عليكن!

نانسي عجرم: عيب عليكن!

نشرت الفنانة نانسي عجرم، عبر “تويتر”، فيديو يظهرها تحمل رضيعتها وسط زحمة خانقة في مطار رفيق الحريري الدولي، وكتبت، “أنا اليوم مش فنانة أنا مواطنة لبنانية بنتي عمرها 5 شهور ع كتفي عم تبكي لمدة ساعة من الوقت ع طلوع الفجر بمطار بلدي ومتلي نساء كتار كانوا حواليي، هل هالشي مسموح؟”.

وأضافت، “هل مقبول يكون في هلقد اهمال بحقنا كمواطنين بمطار بلدنا؟ مسموح نكون بعدنا هلقد بعاد عن أبسط حقوق الإنسان؟”.

وقالت، “بكل بلدان العالم بكون للمرأة الحامل والطفل الرضيع استثناءات. إلا عنا. يمكن لأن مفكرينا Option؟؟؟ يا حبايب قلبي هيدي من أبسط حقوق المرأة هيدا واجبكن تجاه كل امرأة.. مش كافينا ريحة الزبالة بالمطار؟ والإهمال؟”.

وأردفت، “ما عندكن ولاد أو ما بتحسوا بولاد الناس؟ راضيين بكل أزماتنا بكل الأوضاع اللي فارضينا علينا بس لما توصل لولادنا وأطفالنا.. لهون وبس”.

وتابعت، “هيدا لبنان اللي منتغنى في بكتب التاريخ؟ هيدا لبنان اللي بدكن تشجعوا السواح يزوروا؟ ولادنا الصغار صاروا شايفين وفاهمين بالعيوب اللي فارضينا حضراتكن علينا وانتوا ما كنتوا تحسوا. ساكتين ساكتين وبعدين؟ لوين آخدينا؟”. وارفقت تغريداتها بوسم “عيب عليكن”.

 

https://jezzinetahki.com/upload/je_news/multi_je_news_img/13521/je_news_13521_1562226642.2a4b21afb315820f878773e65843474f6.png