الرئيسية مطبخ
الثلاثاء 26 - آذار - 2019

معكرونة بالباذنجان (الشيف جاد محمود)

معكرونة بالباذنجان (الشيف جاد محمود)

المقادير:
معكرونة او سباغتي
حبة باذنجان كبير مقطعة شرحات
بصل عدد 2 (وحدة مقطعة شرحات / وحدة مقطعة ناعمة)
فليفلة ملونة مقطعة شرحات
فطر مقطع شرحات
بيستو ملعقتين (صنوبر مطحون مع حبق وثوم وزيت زيتون)
صنوبر مقلي ملعقتين
توم
بندورة مبروشة
رب البندورة
جبنة بارميزان او موزاريلا
ملح – فلفل اسود – اوريغانو

الطريقة:
- نضع ماء على النار مع قليل من الزيت والملح وعندما تغلي نضيف اليها المعكرونة او السباغتي
- نرش شرحات الباذنجان بالملح ونقليها بالزيت من الجهتين ثم نضعها على ورق سندويش لنصفيها من الزيت

نحضر اولا حشوة الباذنجان:
- نضع زيت زيتون على النار ثم نضيف اليه البصل شرحات ثم الفطر بعدها الفليفلة الملونة نرشهم بالملح وفلفل اسود
- عند النضوج نضيف اليهم قليل من رب البندورة والبيستو والصنوبر المقلي، ننزعهم عن النار ونتركهم ليبردوا.

تحضير صوص البندورة:
- نضع زيت زيتون على النار ونضيف اليه بصل مفروم ناعم وثوم ناعم ثم البندورة المبروشة والملح وفلفل اسود ورشة اوريغانو نتركهم على نار خفيفة لينضجوا

- نمزج المعكرونة مع صوص البندورة ونضعم بجاط التقديم
-بعد ذلك نضع قطع الباذنجان بصحن ونحشيها بالحشوة ونعملها رولات ونصفها فوق المعكرونة  نضع عليهم جبن بارميزان او موزاريلا ويقدموا.