كبة محشية باتنجان ودبس الرمان (الشيف جاد محمود)

المقادير:
برغل 300 غرام
لحمة 250 غرام او بطاطا مسلوقة 300 غرام
بصل حبة
ورق نعنع
ملح – فلفل اسود – سبع بهارات – قرفة ناعمة
الحشوة
زيت زيتون
باتنجان مشوي حبتين
بصل حبة صغيرة
ثوم حص 1
دبس الرمان
قرفة ناعمة
ملح
رمان حب للتزيين

طريقة التحضير:
- نغسل البرغل اكتر من مرة بالماء ثم نصفيه من الماء  (ثم نترك فقط غمره ماء لا اكتر ونتركه ربع ساعة على الاقل)
- نطحن البرغل مع اللحمة والبصل والملح والبهارات والنعنع الاخضر
- بعدها نعجنهم بواسطة اليد
- لمن لا يريد اكل لحمة يضيف بطاطا مسلوقة بدل اللحمة للوصفة مع قليل من الكمون  وعند العجن نضيف ملعقتين طحين ابيض ليسهل علينا عمل الاقراص

تحضير الحشوة
- بعد شوي الباتنجان نقشره ونقطعه بواسطة سكين
- نضع زيت زيتون على النار
- نضيف اليه البصل مفروم جوانح بعدها نضيف حص ثوم مدقوق  ثم نضيف الباتنجان ونقلبهم جيدا مع بعض ليبدأووا بالغليان نضيف اليهم ملح وقرفة ناعمة ودبس الرمان
- نزعهم عن النار ونتركهم ليبردوا

- نعمل اقراص الكبة بالطريقة التقليدية ولكان لا نحشيها نسكرها وهي فارغة
- نقليها بالزيت لتنضج ثم نقطعها بالوسط الى نصفين
- نحشيها بواسطة الحشوة ونزين وجهها بحبات الرمان ورشة فستق حلبي او جوز
- يمكن ان نحشيها بعدة حشوات ( لبنة – حمص  - متبل – محمرة  او تبولة )