بارك الأب بيتر حنا خطوبة ويليام نون شقيق الشهيد جو نون و ماريا فارس شقيقة الشهيدة سحر فارس, ونشر صورتهما كاتبًا: "فيه أحلا من هيك خبر بعد هيك سنة قطعت؟
فيه أجمل من هيك صورة قبل منبلش سنة جايي؟
وليام نون وماريا فارس
جمعتن قضية وحدة، واليوم هني صارو واحد..
تحداهن الظلم، واليوم حولوه لانتصار..
وليام نون أخ الشهيد جو نون،
وماريا فارس اخت الشهيدة سحر فارس..
الألم زار بيوتكن، ولكن انتو بالايمان رح تبنو بيت مليان أمل..
اخوتكن مع يسوع رح يعيدو بميلادو بالسما،
وانتو هدية من يسوع بميلادو لكل واحد فينا عالأرض..
مبروك لأهلكن،
أكيد دموعهن بعدا سخية، ولكن بفضلكن تحولت لدموع فرح..
مبروك لاخوتكن الشهدا،
أكيد رافعين راسهن فيكن من فوق، متل دايمًا..
مبروك إلنا فيكن..
درس بإنو الحب أقوى من الموت، وبإنو الايمان أقوى من الخوف..
وليام، هالصليب اللي انتوا حاملو عصدرك، رح يحملك ويحميك دايمًا ما فيه شك..
وماريا، صدقك ووفائك لاختك، الرب رح يحولن لفرح ونجاح عظيم ما فيه شك..
يسوع يرافقكن بكل خطوة،
صلاتنا معكن دايمًا
الأب بيتر حنا".