كرمال شو بدو يضل محروق قلب إم وبي؟
وإخت تبقى لحالها من دون كتف الخي؟
كرمال شو عم ندفن أبطالنا؟
وندفن معهم أحلامنا وآمالنا؟
كرمال مين عم تفل أولادنا؟
وننحرم غمرتهم وشوفتهم قبالنا؟
لاي بدل ما يلبسوا بدلة العيد
عم نلفهم بوجع وحرقة بالكفن
لا تقولوا ارتقى وصار شهيد
لا تقولوا مات فدى الوطن
الوطن ما بيقبل يموتوا رجالو
ومعم الأمل يموت ويندفن.
الابيض صار للموت وللعايش بداله
الأسود صار بكل شارع وبيت وحي
قولولنا كرمال شو؟
قولولنا كرمال مين ولاي
بدها تضل محروقة قلوب الإم والبي؟
ندين حنا