مبارح كانت مش سايعتو الدني هو ومرتو محتفلين بابنو "برافو يا ماما" هيك صرختلو بالاحتفال، كانوا فخورين بالصبي "إيلي إيلي خوري"...
اليوم قررت اسرائيل تستهدف الجيش اللبناني، وكان هو شهيد...
النقيب إيلي خوري مش اسم بيقطع بين الشهداء، هو مش بس شهيد الجيش اللبناني، هو حلم انقتل...
كان كل عمرو حلمو يكون ضابط بالجيش اللبناني، ضابط يدافع عن لبنان، لحد ما اليوم دفع دم حق هالحلم...
قضاء جزين مكتوب علاي يدفع دم حق تراب لبنان، اليوم عم نخسر ابن كفرجرة النقيب البطل الشهيد إيلي خوري...
شو صعب وبشع هالخبر اليوم... وقع علينا صاعقة...
الله يصبّر قلوب أهلك... الله يصبر قلب ندى ونقولا... الله يصبر قلب مرتك...
حقنا نسأل لاي لنخسر النقيب إيلي؟ ولأمتى بدنا نخسر خيرة شبابنا؟
المسيح قام... خسرنا حلم!