كتب المحامي سليمان مالك على صفحته الخاصة على فايسبوك:
بالرغم من كل المآسي والأزمات، يلي مرّ وعم يمرّ فيها لبنان وشعبه، ما فينا ننكر بأن هناك واقع جديد عم يتشكّل، ووضع الدولة ومؤسساتها عم يتحسّن خطوة، خطوة.
????بلد كان إداراته مشلولة ومقفلة لسنين، اليوم رجعت عم تتفعل أكثر وأكثر.
????طرقات كانت محفّرة ومعتمة، عم نشوف العمل اليومي لصيانتها وإعادة إنارتها.
????مؤسسات كانت غارقة بالفساد، صارت عم تخضع لتدقيق ومساءلة. ????يعني الى حد كتير كبير بطلت متل قبل.
????السلطة القضائية يلي كانت معطّلة، عم تستعيد استقلاليتها وهيبتها.
◀يمكن كلنا نقول هاي ابسط حقوق الشعب و/ أو اولى واجبات المسؤولين، ولكن الواقع كان مختلف أو أقله مافي حدا كان حابب يغير.
هيدي التحوّلات يمكن بعدها محدودة، ويمكن بعد في طريق طويل قدّامنا، بس الأكيد بأن في إرادة عم تولد من جديد،
ووعي شعبي عم يكبر ويصير قادر على المراقبة والمحاسبة.
⬅نهضة الدول ما بتنخلق بقرار، بل بتبدأ من نهضة شعوبها.
من كل مواطن بيشتغل بإخلاص، من كل شابات وشباب لبنان لي ما استسلموا.
⏹ ومن كل مسؤول اختار يكون قدّ الأمانة.
???? الإصلاح مش حلم، الإصلاح مسار —
والمسار بدأ، ومسؤوليتنا نكمّلو سوا.
في تاريخ ٧ / ١١ / ٢٠٢٥
المحامي سليمان مالك ????????????