كتب عضو تكتل لبنان القوي النائب زياد أسود على صفحته الخاصة على فايسبوك، فقال:
"مرة ب الزمن طلبو منا و لبينا الطلب،٤ مرات بعكس قناعتي بالأشخاص و الاستحقاقات، نفذت ،مفكر حالي عم اتجنب مشكلة يقولو فيها ما بدو حدا،و كل مرة بيطلع الشخص المختار ،سيء من كل النواحي و نظريتي بتطلع صح و ما حدا بيتعلم يمشي صح، بل بالعكس بيعملو كل شي عكس التيار و مزاج الناس الحقيقي، و كومة كذب و مد ايد و تمثيل فاقع لفشل ما عم يخلص من الفشل،
اخر مرة و بعد انتخابات البلدية و النيابية يللي صارت سوا،وقفت اتقبل تهاني بدار مار انطونيوس على خيار غلط طلب مني و نفذتو احتراما ليلي طلبو ،و بس شفت عيون واحد كل عمرو خبيث عم يتطلع فيي من فوق لتحت و اليوم صار يقول عني صبي عاق لاني بعرفو و بعرف تاريخو و كل عمرو مخبر و نمام بتقاريرو،سألت حالي هل الرجل شو فيه براسو،و بحسب معرفتي بأهل ضيعتو تأكدث انو الخبث و الشر خصلة من سنين متناقلة،النميمة شغلتو ،التفرقة بين الاخوة انجازاتو،ما تغيرت اساليبو وصابت اهل بلدو و انتقلت لكل المنطقة و لكل بيت مع فروعه و احفادو حتى لو الناس ما بيحبو يتذكرو و قرايبنا بهديك الضيعة بيعملو حالن ناسيين و مش فهمانين ،.
بكل بيت اليوم صار في قصة بين خي و خي ،و بالحقيقة ما في خبرية بضيعة قديمة او لقب او سلوك الا ما طلع صح بس نحن منتنكر للتاريخ و لسيرة كل واحد و منشوف حاضرن المخبا و مننسى تاريخن الموسخ.
الاهم قلتلو شو بيك يا فلان عم تطلع ،قلي عم فكر لو بيك ميشال بعدو طيب،و هون تذكرت و تأكدت انو خبث العاطفة رح يوصل لشر منظم،و فهمت انو القصد سيء مش متل ما بيوحي،
و بالواقع ما في يومين و أكثر صار حدا يقلي بمجالس خاصة فيون لهل الناس انو الحكي عاطل و عم يحضر لانهائك بعنوان و بغدرة و بفوقية و كب حرام و نقل حكي،من الكبير للصغير،الكبير بعدو بيسمع ذات الخبرية ما تغيرت من ٥ سنين،ليش لانو ما لاقو شي،عليي بس انا لقيت كتير و ما حكيت و احترمت حالي بمجالس الكبار و الصغار، اليوم كل شي تغيرر و الحقيقة رح توصل للناس،عن واحد فارغ فاشل و ابن صدفة و افعالو شرورو.
و هيك من الاذى المقصود الى التبجح و الغرور صار يقول نحن معنا مصاري هو شو معو،نحن منطحنو و ما في يوقف بوجنا ،نحن منربح و منتصر عليه ،و بعدو بلاط البيت بجزين ما بينسى المنامة من تاريخ و تاريخ و الاكل وقت كان البطون فارغة و هلق العيون صارت فارغة الخ الخ
،و هيك حولو معركة من السياسة و النهج و الثبات و الأرض و الفساد و هدف يللي اشتغلنا عليها من ١٩٩٨ بجزين و غيرو الى مجرد مشروع بايخ فارغ صار شايف قرشين و مفكر الناس مماسح و خدم عندو.
الله يرحم ستي حشمة كانت تعرف بس بتحب ما تحكي و هلق تأكدت اني كنت عارف و فهمت من عينين زلمي عاق اني كنت عاق لمن صدقت انو تغير شي من تاريخ سيء.من ارييل شارون، لسعد حداد،لاحزاب و ميليشيات على نقيض ،لحكومات احتلال ،لنهب اموال و فساد ،لقلة شئمة،لكتابة قصايد مديح بالاحتلال الى مخبر صغير عند تاني احتلال ،لهجا عون و لمديح عون،، اليوم و كل يوم انا صح و رح ضل الصح لو مهما العالم قالو.."