"جزين تحكي": 12 أيار يوم الانسانية يوم الممرض(ة) العالمي

لما بتخلق بتكون معك وبتحملك أول واحدة وقبل امك كمان...

بتكبر وأوقات بتنوجع، وأول واحدة بتستقبلك هيي بالطوارئ أو عند الحكيم...

الوجع بتتغير أنواعو، أوقات خفيف بتعطيك الو دوا، وأوقات بيكتر بس هيي عطول حدك...

وكل بداية الها نهاية وحتى الحياة، ورغم كل شي بتبقى معك وبتكون الملاك اللي مرافقك بكل هالمسيرة...

هيي ايدك اليمين و"عكازك"، بتفرح معك وبتحزن معك، وياما بتخبي دمعها قدامك...

بتبطل تعتبر حالها بشغل وبتصير كأنك من العيلة، بتتصبح فيها، وبتغمض عينيك على وجهها...

اليوم ما فينا الا ما نشكرها، ونؤديلها تحية التقدير والاحترام لكل شي عم تعانيه معنا وبهالظروف...

12 أيار مش بس يوم الممرضة العالمي، هوي يوم الانسانية...