كبة محشية محمرة (الشيف جاد محمود)

مقادير العجين:
برغل 300 غرام
لحمة 250 غرام
بصل حبة
ورق نعنع
ملح – فلفل اسود – سبع بهارات – قرفة ناعمة

مقادير الحشوة:
زيت زيتون
بصل مفروم ناعم حبة
حص توم مدقوق
جوز 150 غرام مدقوق
فليفلة حمراء مقطعة ناعمة 3 حبات
رب البندورة ملعقة
رب الحر اذا وجد
فليفلة حارة بودرة
كمون
ملح – رشة قرفة – فلفل اسود

مقادير الصوص :
حشوة التوت (نجدها معلبة في السوبر ماركت تستخدم كحشوة للكيك)
دبس رمان
برش ليمون حامض 

الطريقة:
- نغسل البرغل اكتر من مرة بالماء ثم نصفيه من الماء  (ثم نترك فقط غمره ماء لا اكتر ونتركه ربع ساعة على الاقل)
- نطحن البرغل مع اللحمة والبصل والملح والبهارات والنعنع الاخضر
- بعدها نعجنهم بواسطة اليد

نحضر الحشوة :
- نضع الزيت مع البصل على النار ليذبلو بعدها نضيف الثوم و الفليفلة الحمرا ونقلبهم مع بعض لمدة 3 دقائق بعدها نضيف الجوز ورب البندورة ورب الشطة والبهارات ثم نتركهم لمدة 5 دقايق على نار خفيفة بعدها ننزعهم عن النار ليبردوا
- نقرص الكبة ونحشيها بالمحمرة

- نقلي الكبة لتتحمر
- نحضر الصوص بغلي التوت مع دبس الرمان على النار وعندما يغلو نضيف اليهم برش الليمون وننزعهم عن النار.
- في حال لم نجد حشوة التوت ممكن استعمال مربى التوت او تحضير حشوة التوت في المنزل بوضع علبتين توت الزهري على النار مع 30 غرام سكر  وعصير الليمون  وملعقتين كبار ماء ونتركهم على النار ليغلو ويصبحوا متل الصوص
- نغط الكبة بعد قليها بالصوص من كل الجهات ونقدمها في صحن بعد وضع عليها حبة جوز او ترش بالفستق الحلبي المطحون.
- يقدم الطبق ساخن او بارد.
- من لا يريد اكل لحمة يضيف بطاطا مسلوقة بدل اللحمة للوصفة مع قليل من الكمون  وعند العجن نضيف ملعقتين طحين ابيض ليسهل علينا عمل الاقراص.